Rydym Angen Eich Help: Apêl Blwch Rhodd Nadolig

Gwahoddwn bawb i lenwi blwch esgidiau gyda rhoddion a danteithion Nadolig, i’w dosbarthu i berson hŷn na fydd efallai ag unrhyw berthnasau neu gyfeillion o’u cwmpas adeg y Nadolig.

Gall y Nadolig fod yr amser gorau o’r flwyddyn i lawer o bobl. Ond gall hefyd fod yn gyfnod anodd, yn arbennig ar gyfer pobl sy’n teimlo’n unig neu’n ynysig. Dyna pam fod Gofal a Thrwsio wedi cydweithio gyda Age Cymru ac Age Connects Cymru eleni i ledaenu peth o hwyl yr ŵyl drwy Apêl Blwch Rhodd Age Cymru.

Nid yw’n rhaid i’r rhoddion fod yn ddrud, a chewch chi benderfynu beth i’w gynnwys. Efallai y byddwch am feddwl am addurno eich parsel, efallai gydag ychydig o bapur lapio’r Nadolig neu gynlluniau tymhorol eraill. Gallai fod yn weithgaredd y gall yr holl deulu gymryd rhan ynddo. Gofynnir i chi beidio selio’r blychau gan y bydd angen i ni wirio’r cynnwys. Gallwch ddefnyddio llinyn neu fand rwber i gadw’r caead yn ei le.

Gallwch gymryd rhan yn Apêl Blwch Rhodd Age Cymru gyda’r pedwar cam syml yma:

1. Dod o hyd i flwch esgidiau a lapio’r blwch a’r caead ar wahân mewn papur Nadolig.
2. Llenwi’r blwch esgidiau gyda rhoddion (gweler yr awgrymiadau isod).
3. Peidiwch â selio’r blwch. Rhowch y caead arno neu ei gadw yn ei le gyda band elastig.
4. Rhowch label yn nodi os yw’r blwch ar gyfer dyn, dynes neu’n generig.
5. Ewch ag ef heibio’ch swyddfa Gofal a Thrwsio leol – gweler y rhestr isod (neu gysylltu â nhw i weld os gallant drefnu dod i’w nôl),

Os oes gennych unrhyw gwestiynau neu angen help gydag unrhyw beth ar y dudalen hon, cysylltwch â David Jones: 029 2010 7580, david.jones@careandrepair.org.uk.

Syniadau ar gyfer eich Blwch Rhodd

• Hancesi poced
• Addurniadau Nadolig
• Calendr 2025
• Llyfr Croeseiriau/Sudoku
• Sanau / Menig / Capiau Bobl
• Siocled/melysion (gwiriwch y dyddiad defnyddio)
• Cardiau chwarae
• Pwdin Nadolig unigol (gwiriwch y dyddiad defnyddio)
• Swigod bath/sebon cawod
• Cerdyn Nadolig

Edrychwch ar dudalen gwefan Apêl Blwch Rhodd Age Cymru i weld awgrymiadau gwych. Mae Gofal a Thrwsio yn neilltuol o hoff o’r syniad o gynnwys rhywbeth a all helpu i gadw person hŷn yn gynnes, nid dim ond adeg y Nadolig ond drwy gydol misoedd y gaeaf. Mae sgarffiau, hetiau, menig neu sanau clud bob amser yn anrhegion poblogaidd neu gallech ystyried un o’r llu o ddyfeisiau rhad sydd nawr ar gael tebyg i dwymwyr dwylo, mewnwadnau cynnes ar gyfer esgidiau neu lawes insiwleiddio i gadw diodydd yn dwym.

Mae rhai pethau na fedrwn eu derbyn yn y parseli. Yn arbennig, gofynnir i chi gofio na allwn gynnwys eitemau sydd wedi’u defnyddio neu ail law yn y blychau rhodd. Hefyd gofynnir i chi beidio rhoi unrhyw wybodaeth bersonol amdanoch eich hun er fod croeso cynnes i chi gynnwys neges neu gerdyn Nadolig fel rhan o’ch rhodd.

Beth am rannu eich lluniau o’ch Blychau Rhodd ar y cyfryngau cymdeithasol yn defnyddio hashnod #ApêlBlwchRhodd #GiftBoxAppeal.

Mannau Gadael Blychau Rhodd (A-Y):

Dylid nodi mai’r dyddiad cau ar gyfer dosbarthu i’r cyfeiriadau isod yw 6 Rhagfyr 2024.

Abertawe

Gofal a Thrwsio Bae Abertawe, Llys Tawe Complex,Stad Ddiwydiannol Players,  Clydach, Abertawe, SA6 5BQ (dolen Google Map)

Rhif ffôn: 01792 798599

Bangor

Gofal a Thrwsio Gwynedd a Môn, Uned 8/9, Llys y Fedwen, Parc Menai, Bangor, Gwynedd LL57 4BL (Dolen Map Google)

Rhif ffôn: 01286 889360

Caerdydd

Care & Repair Cymru, Llawr 1af, Tŷ Mariners, Trident Court, Heol East Moors, Caerdydd CF24 5TD (dolen Google Map)

Rhif ffôn: 02920 107580

Casnewydd

Gofal a Thrwsio Casnewydd, Tŷ Exchange, Stryd Fawr, Casnewydd NP20 1AA (dolen Google Map )

Rhif ffôn: 01633 233887

Coed-duon

Gofal a Thrwsio Blaenau Gwent a Chaerffili, Uned 1A-1B, Parc Busnes Foxes Lane, Oakdale, Coed Duon NP12 4AB (dolen Google Map)

Rhif ffôn: 01495 321091

Ferndale

Gofal a Thrwsio Cwm Taf, 38-39 Stryd Dyffryn, Ferndale, Rhondda Cynon Taf CF43 4ER (dolen Google Map)

Rhif ffôn: 01443 755696

Llanelwy

Gofal a Thrwsio Conwy a Sir Ddinbych, Uned 10/11 Ffordd Richard Davies, Parc Busnes Llanelwy, Llanelwy, Sir Ddinbych, LL17 0LJ (dolen Google Map)

Rhif ffôn: 0300 111 2120

Llanelli

Gofal a Thrwsio Sir Gaerfyrddin, 3 Eastgate, Llanelli, Sir Gaerfyrddin SA15 3YF (dolen Google Map)

Rhif ffôn: 01554 744300

Pen-y-bont ar Ogwr

Gofal a Thrwsio Pen-y-bont ar Ogwr, Avon Court, Heol y Bontfaen, Pen-y-bont ar Ogwr CF31 3SR (dolen Google Map)

Rhif ffôn: 01656 646755

Pont-y-pŵl

Gofal a Thrwsio Sir Fynwy a Thorfaen, S2, Sycamore Suite, Tŷ Caerleon, Stad Parc Mamhilad, Pont-y-pŵl NP4 0HZ (dolen Google Map )

Rhif ffôn: 01495 745936

Mwy o wybodaeth a mwy o leoliadau gadael!

Mae gan Age Cymru ac Age Connects hefyd safleoedd lle gallwch anfon eich blychau rhodd. Cliciwch ar y botwm isod i fynd i dudalen gwefan Apêl Blwch Rhodd Age Cymru gyda mwy o wybodaeht a mwy o leoliadau gadael.

Os oes gennych fwy o gwestiynau am Apêl Blwch Rhodd Age Cymru, cysylltwch â David Jones:029 2010 7580 david.jones@careandrepair.org.uk