Cartrefi yn Gollwng a Diffyg Cymorth

Mae ein hadroddiad newydd yn rhoi sylw i effeithiolrwydd ynni gwael cartrefi pobl hŷn a’r cymorth cyfyngedig sydd ar gael yn y gaeaf eleni.

Dengys ymchwil Care & Repair Cymru fod pobl dros 60 oed dair gwaith yn llai tebygol o fod yn byw mewn eiddo sy’n effeithiol o ran ynni.

Gan ddefnyddio sampl o 2,479 o gleientiaid Gofal a Thrwsio, wedi’i gwasgaru ar draws pob un o’r 22 ardal Awdurdod Lleol yng Nghymru, fe wnaethom ddadansoddi sgorau Tystysgrif Perfformiad Ynni (EPC) i ddeall effeithiolrwydd ynni yr eiddo y mae pobl hŷn yng Nghymru yn byw ynddynt.

Am y tro cyntaf, gallwn ddangos data EPC yn seiliedig ar oedran y person sy’n byw yn yr eiddo yn ogystal â lleoliad. Mae hyn yn bwysig oherwydd fod gan bobl hŷn risg uwch o salwch tebyg i haint anadlol, strôc a thrawiad calon o eiddo oer, sy’n aneffeithiol o ran ynni.

Gan ddefnyddio data gan 2,479 o bobl hŷn yng Nghymru ac EPC eu cartrefi, gwelsom:

Nad oedd gan 3 mewn 5 o’n sampl EPC cyfredol ar gyfer eu heiddo.
Dim ond 1 mewn 10 o’n sampl sydd ag EPC C neu uwch.
Dywedwyd fod hanner ein sampl yn y Sector Rhent Preifat yn byw mewn cartrefi heb fod yn cyrraedd isafswm gofynion cyfreithiol EPC ar gyfer landlordiaid.

Darllen yr adroddiad

Data Rhyngweithiol: EPC yn ôl Awdurdod Lleol

Mae’r siart bariau yma yn dangos dadansoddiad canran EPC ein sampl yn ôl Awdurdod Lleol.

Data Rhyngweithiol: EPC yn ôl Oedran

Mae’r siart bariau yma yn dangos dadansoddiad canran EPC ein sampl yn ôl demograffig oedran.

Data Rhyngweithiol: EPC a’r Sector Rhent Preifat

Mae’r siart tafell yma yn dangos dadansoddiad EPC ein sampl sy’n rhentu’n breifat.

Argymhellion Allweddol

Credwn y bydd y camau gweithredu canlynol o gymorth sylweddol i bobl hŷn sy’n byw mewn cartrefi aneffeithiol o ran ynni, hyrwyddo eu llesiant a gostwng afiechyd a damweiniau yn y cartref.

Gweithredu grant rhwyd ddiogelwch

Bydd grant i drwsio tai mewn cyflwr difrifol yng Nghymru yn galluogi pobl hŷn i fyw’n ddiogel ac yn annibynnol yn eu cartrefi eu hunain. Bydd yn gwella effeithiolrwydd thermol cartrefi ac yn gwarchod rhag tywydd cyfnewidiol ac anwadal.

Cyflwyno mesurau parhaus i ddiogelu prisiau

Byddai mesurau i ddiogelu prisiau biliau ynni, tebyg i dariff cymdeithasol ar gyfer aelwydydd incwm isel a bregus, yn sicrhau fod biliau yn mynd tu hwnt i fod yn ‘deg’ i fod yn fforddiadwy.

Ehangu cynlluniau cymorth ynni

Byddai ehangu cynlluniau ar gyfer cartrefi incwm isel ac aneffeithiol o ran ynni yn sicrhau y gall y rhai sydd yn methu o drwch blewyn i gyflawni’r meini prawf cymhwyster am Gredyd Pensiwn dderbyn cymorth ar gyfer biliau.

Darllen yr adroddiad

Help gyda chartref sy’n gollwng

Mae ein gwasanaeth Hynach Nid Oerach yn helpu pobl dros 60 oed i gadw eu cartrefi yn gynnes a’u biliau ynni yn is.

Hynach Nid Oerach

Cofrestru i gael ein Newyddion

Os hoffech glywed mwy am y gwaith a wnawn i wella cartrefi a newid bywydau, cofrestrwch yma.