Mae’r lluniau ar y dudalen hon yn dangos y mathau o waith yr ydym wedi’i wneud a’r gwaith addasu sydd ar gael gan amlaf. Ni allwn warantu y bydd yr union un gwaith addasu ar gael yn eich ardal chi, gan fod cyllid, deunyddiau, cyflenwyr a chontractwyr yn amrywio mewn gwahanol ardaloedd. Cysylltwch â’ch Asiantaeth Gofal a Thrwsio leol i ganfod beth sy’n bosibl yn eich ardal chi.
Mae gwaith addasu bach neu fân yn gyffredinol yn cynnwys gwahanol fathau o ganllawiau y gellir eu gosod yn gyflym ac yn gymharol rad. Mae cymhorthion a gwaith addasu bach eraill yn cynnwys cypyrddau allwedd, codwyr soffa a seddi cawod. Mae llawer mwy heb eu rhestru yma.
Yn gyffredinol mae gwaith addasu mawr neu sylweddol yn cynnwys rampiau, ystafelloedd gwlyb, drysau mynediad gwastad a symud drysau neu doiledau. Yn aml gall y rhain gymryd nifer o ddyddiau neu wythnosau i’w gorffen ac maent yn ddrud.
Ar gyfer y rhai gyda cholli golwg, colli clyw neu dementia, gall fod newidiadau penodol i gartref sy’n eu gwneud yn haws ymdopi. Mae hyn yn cynnwys goleuadau tasg, offer sain deallus, clychau drws sy’n fflachio, dyfeisiau gwrando personol a larymau CO arbenigol.
Ewch i’n tudalen Sut y Gallwn Helpu i weld y rhestr lawn o gymorth a gynigiwn i bobl hŷn yng Nghymru.