AKW
Fel arweinwyr marchnad y Deyrnas Unedig mewn datrysiadau ystafelloedd ymolchi a cheginau hygyrch, rydym yn falch i ymffrostio mewn portffolio o dros 5,500 o gynnyrch a gafodd eu dylunio’n ddeallus gan ein tîm o beirianwyr mewnol arbenigol i’ch helpu i greu gofodau cynhwysol, eto hardd sy’n gwella bywyd ar gyfer pobl sy’n byw gyda llai o symudedd, dementia neu nam ar eu golwg.
Altro
Pan ddaw i dai cymdeithasol ac addasu cartrefi, mae’r ffordd mae cartref yn edrych yr un mor bwysig â sut mae’n gweithredu. Mae angen i ardaloedd byw gael teimlad o steil, angen i ardaloedd cymunol fod yn groesawgar, sensitif i sŵn a rhwydd eu glanhau ac angen i geginau ac ystafelloedd ymolchi gydymffurfio â’r safonau uchaf o ddiogelwch a hylendid. Bydd dewis Altro o loriau a waliau cyfoes gyda lliwiau traddodiadol, gwahanol weadau a gorffenion – yn cynnwys pren – yn rhoi popeth rydych ei angen i gwblhau adeilad newydd neu uwchraddio llety a chyfleusterau presennol.
Arthritis UK
Arthritis UK yw elusen arthritis fwyaf y DU, sy'n ymroddedig i newid bywydau pobl trwy ymchwil, ymgyrchu, cefnogaeth, addysg broffesiynol, a gwybodaeth iechyd ddibynadwy.
Darparwn gyngor a gwybodaeth i bobl sy'n byw gydag arthritis, neu gyflwr MSK cysylltiedig, ar unrhyw gam o'u taith, gan eu helpu i lywio bywyd gyda chyflwr hirdymor ac i fyw'n dda gydag arthritis.
Gallwn rannu awgrymiadau a thriciau ymarferol, ateb cwestiynau, a'ch cyfeirio at ein holl wasanaethau a chymorth gwych, sydd ar gael yng Nghymru a ledled y DU.
Bellman & Symfon
Mae Bellman & Symfon yn creu dyfeisiau gwrando a rhybudd cynorthwyol ar gyfer unigolion byddar neu drwm eu clyw. Mae cynnyrch yn cynnwys gwrandawyr personol a’r system Rhybudd Ymweliad, sy’n hysbysu defnyddwyr am synau pwysig fel clychau drws, larymau mwg, babanod yn llefain a galwadau ffôn drwy ddirgryniadau, goleuadau’n fflachio a synau uchel. Cynlluniwyd y datrysiadau hyn i gynyddu diogelwch, annibyniaeth a hygyrchedd mewn bywyd bob dydd.
Carers Wales
Mae Gofalwyr Cymru yn bodoli i wella bywydau'r cannoedd o filoedd o ofalwyr di-dâl ledled Cymru, sy'n helpu i ofalu am aelodau o'r teulu, ffrindiau a chymdogion ym mhob rhan o'r genedl. Byddai disodli'r gofal a ddarperir gan ofalwyr di-dâl yn costio dros £10 biliwn y flwyddyn i Gymru; eto i gyd, mae gofalwyr yn aml yn cael eu gorfodi i roi'r gorau i yrfaoedd, aberthu eu hiechyd a'u lles, a mentro wynebu caledi ariannol oherwydd eu rôl ofalu. Rydym yn bodoli i roi diwedd ar yr anghyfiawnder hwn drwy ymgyrchu ochr yn ochr â gofalwyr i sicrhau newid, darparu gwybodaeth a chyngor i ofalwyr, a chefnogi cyflogwyr i fod yn fwy croesawgar i ofalwyr.
Closomat Ltd
Yn Closomat, ymdrechwn wneud bywyd yn haws i bobl, pa bynnag heriau sy’n eu wynebu gyda’u hanghenion personol wrth ddefnyddio toiled. Dyfeisiwyd ein Toiled Golchi a Sychu dros 60 mlynedd yn ôl, ac mae degau o filoedd o bobl yn defnyddio ein cynnyrch bob dydd i wneud bywyd ychydig yn haws. Mae ein cynnyrch yn hyblyg a gellir eu haddasu i ddiwallu anghenion yr unigolyn nawr ac i’r dyfodol.
Easiaccess
Mae Easiaccess yn gynhyrchydd, cyflenwr a gosodwr blaenllaw ar gyfer rampiau modwlar a stepiau. Cynigiwn wasanaeth cyflenwi a gosod ledled y wlad. Mae gân ein systemau metal ddyluniad y gellir ei addasu’n llawn, gan roi hyblygrwydd i weddu unrhyw adeilad a gofod. Darparwn arolygon a dyfynbrisiau yn rhad ac am ddim, a ddilynir gyda darluniau 2D a 3D gan ein tîm profiadol o siaradwyr gyda gwybodaeth helaeth o’r rheoliadau a’r gofynion diweddaraf fel y gallwch gael tawelwch meddwl y bydd eich datrysiadau mynediad yn addas i’r diben ac yn cyflawni’r holl ofynion cyfreithiol.
Ffrâm24
Mae Ffrâm24 yn fframwaith aml-gyflenwr ar gyfer deunyddiau adeiladu a gwasanaethau cysylltiedig. Ein huchelgais fel Fframwaith Cymru yn unig yw darparu cadwyn gyflenwi o ansawdd ar gyfer y sectorau cyhoeddus Cymru, elusennau a sefydliadau trydydd sector er mwyn cefnogi ein cymunedau. Mae hyn yn darparu economi gylchol wych i Gymru ac yn cadw'r bunt Gymreig yn lleol. Mae Llywodraeth Cymru yn arnodi Ffrâm24 ac yn ei gefnogi fel olynydd naturiol i fframwaith deunyddiau adeiladu'r Gwasanaeth Caffael Cenedlaethol (NPS).
Gordon Ellis & Co
Wedi bodoli am dros 160 mlynedd ac yn dal i fod yn fusnes teuluol, mae Gordon Ellis yn cynhyrchu a chyflenwi cymhorthion ansawdd uchel ar gyfer byw bob dydd. Mae ein dewis gwobrwyol yn cynnwys codwyr dodrefn, cymhorthion toiled, seddi toiled uwch, hanner stepiau awyr agored, bariau bachu a llawer mwy. Rydym eisoes yn gweithio’n agos gyda nifer o gyrff Gofal a Thrwsio yng Nghymru ac edrychwn ymlaen at ddatblygu cysylltiadau newydd yn y sector. Rydym hefyd yn cynnig hyfforddiant ar gynnyrch fel codwyr dodrefn i ffitwyr, technegwyr a therapyddion galwedigaethol.
Hearing Products International Limited
Mae Hearing Products International yn darparu technoleg gynorthwyol i unigolion gyda cholled clyw a cholled synhwyraidd tebyg i wrandawyr personol, system cylch T-Coil, gwrandawyr teledu 2 mewn 1, canfyddwyr mwg gydag offer fflachio a dirgrynu, systemau rhybudd drws gyda gwthio cloch, signalydd ffôn, synhwyrydd sain, galwr dirgrynu a phad gwely dirgrynu a llawer mwy.
HSF Health Plan
Mae HSF Health Plan yn ddarparydd cynllun arian iechyd nid-er-elw sy’n eiddo elusen The Hospital Saturday Fund. Mae ein cynlluniau yn helpu deiliaid polisi i hawlio arian yn ôl ar gostau gofal iechyd bob dydd, gan gefnogi gwaith yr elusen i wella iechyd a llesiant. Yn wahanol i yswiriant meddygol preifat, mae HSF Health Plan yn cynnig cymorth syml heb atgyfeiriadau, dim gordal a hawliadau syml. Mae buddion yn cynnwys gorchudd deintyddol ac optegol, taliadau ysbyty, mynediad i ymarferwyr fel ffisiotherapyddion, cefnogaeth ar gyfer digwyddiadau bywyd allweddol, gwasanaethau llesiant drwy HSF Assist® a chynilion bob dydd drwy HSF Perkbox.
NEST
Mae cynllun Nyth Cartrefi Cynnes Llywodraeth Cymru yn cynnig cyngor a chymorth diduedd yn rhad ac am ddim i bob aelwyd yng Nghymru. Os yw cwsmer yn gymwys, mae Nyth hefyd yn cynnig pecyn o welliannau effeithiolrwydd ynni cartref i helpu gostwng biliau ynni a gwella iechyd a llesiant, tebyg i insiwleiddio, pwmp gwres, paneli solar neu wres canolog.
RNID
RNID yw’r elusen genedlaethol sy’n cefnogi pobl sy’n fyddar, sydd â cholled clyw neu dinitws. Rydym yn darparu gwybodaeth, cymorth a gwasanaethau ymarferol i helpu pobl i gyfathrebu, aros yn gysylltiedig a chael mynediad at y gwasanaethau sydd eu hangen arnynt. Mae ein gwaith yn cynnwys hyrwyddo iechyd y clyw, cymorth yn y gymuned, eiriolaeth, cyngor ar dechnoleg ac ymgyrchoedd i wella cynhwysiant a hygyrchedd. Rydym hefyd yn gweithio gyda gweithwyr iechyd proffesiynol, cyflogwyr a sefydliadau lleol i leihau rhwystrau a chreu cymdeithas fwy cynhwysol.
Stannah
Mae Stannah yn fusnes teuluol a fu’n gwneud lifftiau grisiau ers 1975 ac mae wedi gwerthu mwy na un filiwn yn fyd-eang. Rydym yn gwasanaethu miloedd o gwsmeriaid yn genedlaethol yn defnyddio ein dwy ffatri, 11 cangen gwasanaeth, 9 depot gosod a’n timau o beirianwyr medrus ac ymgynghorwyr gwerthu. Rydym yn gweithio gydag awdurdodau lleol i sicrhau ein bod yn cyflawni angen cwsmeriaid am gynnyrch dibynadwy, ansawdd uchel a diogel sy’n eu galluogi i barhau i fyw’n annibynnol yn eu cartrefi ein hunain. Mae ein cynllun Stannah Stairlift Reuse wedi hen ennill ei blwyf ac mae’n galluogi awdurdodau lleol i wneud arbedion drwy gyweirio ac ailddefnyddio lifftiau grisiau Stannah heb leihau gweithrediad, defnydd neu ddiogelwch.
Trusted Assessing and Care Training (TACT
Mae TACT (‘Trusted Assessing and Care Training’) yn ddarparydd blaenllaw o gyrsiau, cymwysterau, ymgynghoriaeth a rhaglenni yn arbenigo mewn asesu ar gyfer offer ac addasiadau i gartrefi. Yn ddarparydd gydag achrediad o hyfforddiant Asesydd Dibynadwy, caiff ein cyrsiau eu cyflenwi gan therapyddion galwedigaethol sy’n brofiadol mewn offer ac addasiadau. Cynhaliwn gyrsiau cyhoeddus rheolaidd yng ngogledd a de Cymru a rhaglenni a gomisiynwyd yn bwrpasol yn eich safle chi neu yn agos. Mae opsiynau yn cynnwys rhaglenni hyfforddi’r hyfforddwr gyda sefydliadau mwy gyda’u therapyddion galwedigaethol eu hunain yn medru hyfforddi a Gweithdai Asesydd Goruchwylio Dibynadwy ar gyfer therapyddion galwedigaethol mewnol. Rhowch gynnig arnom, credwn y byddwch yn hoffi ein hagwedd amheuthun.
Qualia Law
Cyngor cyfreithiol a diogelu ariannol ar gyfer pobl fregus neu niwroamrywiol. Mae ein gwasanaethau proffesiynol Dirprwy y Llys Gwarchod ac Atwrneiaeth yn helpu i ddiogelu eiddo a chyllid pobl sydd heb alluedd neu na all reoli eu materion ariannol eu hunain. Caiff pob Dirprwyaeth neu Atwrneiaeth eu rheoli gan Gyfreithiwr profiadol ac arbenigol. Fodd bynnag, yn wahanol i gwmni cyfraith traddodiadol, nid ein nod yw cynhyrchu elw ond gweithredu’n llwyr er budd gorau ein cleientiaid. Rydym yn darparu cyngor a chymorth di-duedd a rhad ac am ddim i deuluoedd, gofalwyr, gweithwyr proffesiynol gofal cymdeithasol a chyrff eraill y trydydd sector. Rydym yn helpu i lywio’r gwahanol opsiynau sydd ar gael i bobl fregus neu analluog er mwyn cynyddu annibyniaeth i’r eithaf a sicrhau’r ansawdd bywyd gorau.
