Cynigiwn ddull gwasanaeth unigryw sy’n cyfuno asesiad o’r cleient gyda gwerthoedd sydd ynghlwm ag urddas, gofal a pharch yn ogystal â darparu arbenigedd technegol ar gyfer rheoli gwaith adeiladu.
Darparwn wasanaeth pwrpasol dan arweiniad y cleient sy’n cynnwys cyngor a chymorth cynhwysfawr i bobl hŷn ar gyfer atgyweirio tai, gwaith cynnal a chadw a/neu gwaith addasu, technoleg gynorthwyol ac ystod o ymyriadau diogelwch yn y cartref sydd eu hangen i alluogi pobl i barhau i fyw’n annibynnol ac yn ddiogel yn eu cartrefi eu hunain.
Mae hyn yn cynnwys:
•Cyngor ar ddewisiadau tai, cynnal a chadw tai, diogeledd, effeithlonrwydd ynni a ffynonellau ariannol posib sydd ar gael drwy grantiau llywodraeth leol, ffynonellau elusennol a/neu fenthyciadau preifat.
•Cyngor a chymorth ar fudd-daliadau i wneud y gorau o unrhyw incwm a chynnal annibyniaeth. Bydd hyn hefyd yn helpu i wrthsefyll tlodi tanwydd ac ynysigrwydd cymdeithasol.
•Eiriolaeth a chyswllt gydag ystod o sefydliadau statudol, preifat a sector gwirfoddol ar ran y cleient.
•Cyfeirio effeithiol at amrywiaeth o sefydliadau eraill, yn cynnwys gwybodaeth a chyngor.
•Arbenigedd technegol ar pob agwedd o waith adeiladu yn cynnwys sicrhau amcanbrisiau, dethol adeiladwr addas a monitro a goruchwylio yr holl waith er mwyn sicrhau safonau gwaith uchel.
•Cymorth a chefnogaeth ymarferol trwy gydol y gwaith trwsio, gwella a/neu addasu.
Gofal a Thrwsio Sir Pen-y-bont ar Ogwr
Yn helpu pobl hŷn Pen-y-bont ar Ogwr i fwy yn annibynnol yn eu cartrefi eu hunain
