Mae tri chwarter marwolaethau yn gysylltiedig ag oerfel gormodol yng Nghymru yn bobl 75 oed a throsodd.
Credwn y dylai pobl hŷn gael cymorth wedi ei dargedu i sicrhau nad oes unrhyw aelwydydd hŷn yn troi eu gwres i ffwrdd. Dros y tymor hirach, rydym yn galw am ddiwygio’r farchnad ynni a chynllun i ddatgarboneiddio cartrefi Cymru i’w gwneud yn fwy effeithiol o ran tanwydd ac ynni.
Mae prosiect Hynach Nid Oerach Gofal a Thrwsio yn ymroddedig i fynd i’r afael â thlodi tanwydd ymysg pobl hŷn yng Nghymru. Nod y gwasanaeth yw gwella iechyd a lles pobl hŷn drwy fesurau arbed ynni, cynyddu incwm aelwydydd a chyngor ar ynni. Wrth wneud hynny, mae hefyd yn helpu i ostwng y pwysau ar GIG Cymru.
