Roedd y diwrnod yn gyfle i ddathlu llwyddiannau ac yn gyfle i edrych i\u2019r dyfodol. Bu\u2019r sgyrsiau a gafwyd yn canolbwyntio ar sut y bydd y gwasanaeth yn datblygu yn ystod y chwe blynedd nesaf, ac roedd anghenion cwsmeriaid, arloesi digidol a nodau amgylcheddol yn uchel ar yr agenda. O archwilio\u2019r defnydd o faniau trydan mewn ardaloedd gwledig i feithrin prentisiaethau a sicrhau cyflogau cystadleuol, pwysleisiodd y t\u00eem bwysigrwydd sicrhau cydbwysedd rhwng tyfu a chynnal yr ethos cryf sy\u2019n golygu bod Gofal a Thrwsio Gorllewin Cymru bob amser wedi bod yn unigryw.<\/p>\n
Bu Elaine, y siaradwr gwadd a Chadeirydd y Bwrdd, yn myfyrio ynghylch ei chyfnod gyda\u2019r sefydliad, gan ddwyn i gof yr egni cadarnhaol sydd wedi bod yn rhan annatod ohono ers y dechrau. Tynnodd sylw at bwysigrwydd cysondeb ar draws Sir Benfro a Cheredigion, yr heriau a wynebwyd yn ystod y pandemig, a\u2019r modd y bu aelodau\u2019r t\u00eem yn gweithio mewn partneriaeth \u00e2\u2019r GIG a sefydliadau eraill i ymateb yn gyflym i anghenion cymunedau.<\/p>\n
Ers hynny mae\u2019r gwasanaeth wedi parhau i dyfu, a gwelwyd cynnydd o 18% yn y galw. Yn ogystal, mae partneriaethau cryf ag awdurdodau lleol, sefydliadau iechyd ac elusennau megis Cymdeithas Gwasanaethau Gwirfoddol Sir Benfro wedi helpu\u2019r sefydliad i gyrraedd mwy o bobl sydd mewn angen.<\/p>\n
Ond y tu \u00f4l i\u2019r rhifau mae straeon go iawn pobl y mae eu bywydau wedi cael eu trawsnewid. Un enghraifft ddiweddar yw Meinir y gwnaeth T\u00eem Gofalwyr a Chymorth Cymunedol Cyngor Ceredigion ei chyfeirio at Gofal a Thrwsio Gorllewin Cymru yn 2024.<\/p>\n
Mae Meinir yn byw yn ei chartref cerrig, sy\u2019n sefyll ar ei ben ei hun, ers dros 28 o flynyddoedd, ac roedd parhau\u2019n ddiogel ac yn annibynnol gartref yn hollbwysig iddi. Fodd bynnag, roedd amryw gyflyrau iechyd yn dechrau golygu bod cyflawni gweithgareddau o ddydd i ddydd yn anodd iddi. Dyna pryd y cafodd ei chyflwyno i Heulwen, sef gweithiwr achos a gynhaliodd Asesiad Diogelwch Cartref cyflawn o\u2019i chartref.<\/p>\n
Arweiniodd yr asesiad at nifer o welliannau ymarferol a oedd yn cynnwys gosod canllawiau, hanner grisiau, a chloch drws arbenigol ar gyfer pobl drwm eu clyw a oedd yn gwneud i declyn galw ddirgrynu. Mae Heulwen hefyd wedi bod yn cynorthwyo Meinir i wneud cais am Lwfans Gweini, a olygodd bod Meinir yn cael y swm uchaf y gellir ei ddyfarnu ac a arweiniodd yn fwy o incwm wythnosol iddi.<\/p>\n
Ar \u00f4l iddi gael ei chyfeirio at y gwasanaeth Hynach Nid Oerach, medrodd Iwan gael cyllid grant i atgyweirio Rayburn Meinir, sef y brif ffynhonnell o wres yn ei chartref. Gwnaeth hefyd gynnal archwiliadau \u00e2 mesurydd lleithder gan roi tawelwch meddwl i Meinir mai anwedd, a dim byd mwy difrifol na hynny, oedd achos ei phryderon.<\/p>\n
Mae\u2019r gwahaniaeth yn ansawdd bywyd Meinir wedi bod yn enfawr. Meddai Meinir ei hun: \u201cOni bai am Heulwen, dwi ddim yn si\u0175r ble byddwn i\u2019n awr.\u201d<\/p>\n
Wrth i Gofal a Thrwsio Gorllewin Cymru edrych i\u2019r dyfodol, mae ei ffocws yn parhau\u2019n glir: parhau i feithrin partneriaethau a chynorthwyo cwsmeriaid, a glynu wrth y positifrwydd a\u2019r gwaith t\u00eem sydd wedi\u2019i ddiffinio yn ystod y degawd diwethaf.<\/p>\n
Oherwydd, fel y cytunodd aelodau\u2019r t\u00eem, y peth pwysicaf yw sicrhau bod pobl yn dal i ganmol ymhen pum mlynedd arall.<\/p>\n