Mae cynllun newydd, a arweinir gan elusen Care & Repair Cymru, yn anelu i ddarparu larymau CO hygyrch i\u2019r rhai sy\u2019n neilltuol o fregus oherwydd colli clyw.<\/p>\n
Mae\u2019r prosiect yn gynllun ar y cyd gyda Wales & West Utilities (WWU) sydd \u00e2\u2019r nod o ddiogelu oedolion h\u0177n sy\u2019n Fyddar neu\u2019n drwm eu clyw rhag peryglon gwenwyn carbon monocsid (CO).<\/p>\n
Mae carbon monocsid, nwy na fedrir ei weld na\u2019i arogli, yn fygythiad sylweddol i iechyd a diogelwch, yn arbennig ar gyfer unigolion h\u0177n sydd \u00e2 chyflyrau iechyd sy\u2019n bodoli eisoes. Nid yw larymau CO traddodiadol, sy\u2019n dibynnu ar sain i rybuddio preswylwyr, yn addas ar gyfer unigolion sy\u2019n Fyddar neu sydd \u00e2 cholled clyw. Gan gydnabod y bwlch hollbwysig hwn, aeth Care & Repair Cymru a WWU ati i sicrhau fod gan yr unigolion hyn fynediad i dechnoleg a all achub bywydau.<\/p>\n
Astudiaeth Achos; Technoleg achub bywyd ar gyfer Mrs O\u2019Reilly<\/strong><\/p>\n Mae Mrs O\u2019Reilly, menyw 69 oed gyda cholled clyw difrifol a\u2019r bendro, yn byw ar ei phen ei hun yng Ngogledd Cymru ac yn dibynnu ar ddarllen gwefusau ar gyfer cyfathrebu. Cysylltodd \u00e2 Gofal a Thrwsio ar \u00f4l cael trafferth i symud yn ddiogel o amgylch ei chartref. Cafodd ei chartref ei asesu gan Amanda Derbyshire, Gweithiwr Achos Ymdopi\u2019n Well, ac argymhellodd osod canllawiau i\u2019w chynorthwyo gyda symud.<\/p>\n Dywedodd Amanda: \u201cEs i ymweld \u00e2 hi i ddechrau i edrych ar ganllawiau a\u2019r offer oedd ei angen o amgylch y cartref ac yn amlwg, oherwydd ei cholli clyw, aethom ymlaen i drafod technoleg a fedrai fod o fudd iddi. Dyna pryd soniais am y larymau CO y gallem ei rhoi iddi am ddim.\u201d<\/p>\n Ar \u00f4l i\u2019r larwm CO gael ei osod, esboniodd Mrs O\u2019Reilly: \u201cRoedd popeth yn syml iawn: daeth Amanda draw i fy helpu a soniodd y gallai roi larwm CO i mi gan fy mod yn fyddar. Roeddwn wedi ei gael o fewn ychydig wythnosau ac fe wnaethant ddangos sut i\u2019w ddefnyddio a phopeth.\u201d Ychwanegodd, \u201cRwy\u2019n gwybod yn bendant na fyddwn yn clywed larwm yn y nos, felly mae\u2019n gyfleus. Mae fel cael oriawr fawr ar fy mraich. Mae\u2019n dirgrynu i fy neffro i ddweud fod rhywbeth yn digwydd yn y t\u0177. Mae\u2019n wych, fe fyddwn yn ei argymell.\u201d<\/p>\n Drwy\u2019r datrysiad blaengar yma, mae cartref Mrs O\u2019Reilly yn fwy diogel, gan ei galluogi i aros yn annibynnol yn hirach.<\/p>\n