{"id":1697,"date":"2024-01-19T16:18:55","date_gmt":"2024-01-19T16:18:55","guid":{"rendered":"https:\/\/careandrepair.org.uk\/cy\/scams-warning-for-older-people-in-wales\/"},"modified":"2024-01-19T16:29:57","modified_gmt":"2024-01-19T16:29:57","slug":"scams-warning-for-older-people-in-wales","status":"publish","type":"post","link":"https:\/\/careandrepair.org.uk\/cy\/scams-warning-for-older-people-in-wales\/","title":{"rendered":"Rhybudd sgamiau ar gyfer pobl h\u0177n yng Nghymru"},"content":{"rendered":"

Adeiladwyr twyllodrus yn manteisio ar y cynnydd mawr mewn biliau ynni<\/strong><\/h3>\n

Mae Partneriaeth Cymru yn erbyn Sgamiau yn annog pobl h\u0177n a phobl eraill agored i niwed i geisio cyngor cyn cytuno i insiwleiddio eu hatigau drwy chwistrellu ewyn yn dilyn nifer o achosion o fasnachwyr twyllodrus yn camarwain pobl h\u0177n.<\/strong><\/p>\n

Mae\u2019r Bartneriaeth, y mae Gofal a Thrwsio yn rhan ohoni, yn rhybuddio er fod chwistrellu ewyn yn gyfreithiol, mai dim ond mewn amgylchiadau penodol a chyfyngedig iawn y mae\u2019n addas ac mai dim ond arbenigwyr ddylai ei osod. Ni ddylai byth gael ei farchnata fel datrysiad cyflym i broblemau insiwleiddio atig gan y gall o bosibl achosi niwed strwythurol a\u2019i gwneud yn anodd gwerthu eiddo.<\/p>\n

Dywedodd Chris Jones, prif weithredwr Care & Repair Cymru: \u201cMae gwneud eich cartref yn fwy effeithiol o ran ynni yn dal yn bwysig ar gyfer eich iechyd, eich cyllid a\u2019r hinsawdd. Fodd bynnag, byddem yn annog pobl i fod yn ofalus ac i wneud llawer o ymchwil cyn symud ymlaen gyda gwaith insiwleiddio chwistrellu ewyn.<\/p>\n

\u201cMae gan rai awdurdodau lleol restri o fasnachwyr dibynadwy, a dylai pob awdurdod lleol fedru rhoi cyngor ar ymholiadau am dai ac iechyd yr amgylchedd.<\/p>\n

\u201cBydd gan Safonau Masnach restri o fasnachwyr cymeradwy dan eu gwasanaeth \u2018Hyder wrth Brynu\u2019 a gall canghennau lleol Care & Repair Cymru gynnig cyngor ar gontractwyr dibynadwy sy\u2019n gweithio yn eu hardaloedd.\u201d<\/p>\n

Problem insiwleiddiad chwistrellu ewyn mewn atigau<\/strong><\/p>\n

Mae insiwleiddiad chwistrellu ewyn yn gynnyrch a ddaeth yn fwy poblogaidd mewn blynyddoedd diweddar, yn arbennig gyda phobl eisiau gwario llai ar filiau ynni a \u2018gwneud eu pwt\u2019 dros yr amgylchedd. Y broblem gyda\u2019r cynnyrch neilltuol hwn yw y caiff ei roi\u2019n syth ar y preniau yn y to, gan olygu na all y to anadlu a gall hynny achosi neu waethygu problemau lleithder. Mae rheoliadau adeiladu\u2019n pwysleisio\u2019r angen am draws-awyriad mewn gofodau atig ac mae ewyn wedi\u2019i chwistrellu yn groes i hyn, mae\u2019n cyfyngu cylchrediad aer a gall achosi i\u2019r preniau bydru.<\/p>\n

Mae cwmn\u00efau insiwleiddiad chwistrellu ewyn yn aml yn ffonio pobl ac yn cuddio dan gochl gwahanol gynlluniau a gefnogir gan y llywodraeth, gan ddweud wrth bobl y gallent fod yn gymwys am grantiau neilltuol os ydynt yn cael insiwleiddiad chwistrellu ewyn. Nid yw Care & Repair Cymru yn gwybod am unrhyw grantiau llywodraeth a fyddai\u2019n cynnwys y math hwn o waith.<\/p>\n

Yn waeth byth, mae gan lawer o fenthycwyr amodau yn eu canllawiau na fyddant yn benthyca ar gyfer eiddo sydd ag insiwleiddiad chwistrellu ewyn yn yr atig.<\/p>\n

Yr hyn a welsom ar draws Cymru<\/strong><\/p>\n