{"id":1103,"date":"2022-07-23T11:41:29","date_gmt":"2022-07-23T10:41:29","guid":{"rendered":"https:\/\/careandrepair.org.uk\/cy\/?p=1103"},"modified":"2023-02-23T11:41:49","modified_gmt":"2023-02-23T11:41:49","slug":"sheilas-story-care-repair-was-my-last-hope","status":"publish","type":"post","link":"https:\/\/careandrepair.org.uk\/cy\/sheilas-story-care-repair-was-my-last-hope\/","title":{"rendered":"Stori Sheila: \u201cGofal a Thrwsio oedd fy ngobaith olaf.\u201d"},"content":{"rendered":"

Mae Sheila yn ei 40au hwyr, ond mae\u2019n byw ar ben ei hun ac yn dioddef o ganser sy\u2019n cyfyngu bywyd, lupus a ffibromyalgia. I waethygu pethau ymhellach, mae ei chartref yn Sir y Fflint yn oer a llaith gyda llwydni ynddo \u2013 mae\u2019r gwteri yn gollwng a\u2019r drysau\u2019n pydru.<\/strong><\/p>\n

Dywedodd Sheila, \u201cRwyf wedi cael diagnosis o gyflyrau sy\u2019n bygwth bywyd dros y 5-6 mlynedd ddiwethaf. Gofal a Thrwsio oedd fy ngobaith olaf, ac roedd gofyn am help yn beth mawr i mi.\u201d<\/p>\n

Aeth Kathryn Massie, Gweithiwr Achos Gofal a Thrwsio Gogledd Ddwyrain Cymru, ati i gefnogi Sheila a chael gwaith trwsio i\u2019w chartref i wneud yn addas iddi fyw ynddo. Dywedodd, \u201cFfoniodd mam Sheila ni ym mis Medi 2021 a gofyn os y gallem helpu. Byddai\u2019n her oherwydd bod Sheila mor wael, ond rydym bob amser yn gwneud ein gorau glas i helpu pawb sy\u2019n dod atom. Roedd yn arbennig o anodd i Sheila gan iddi golli ei thad ychydig fisoedd cyn hynny ac roedd ei g\u0175r wedi ei gadael pan gafodd ddiagnosis o ganser.\u201d<\/p>\n

Rhoddodd Kathryn gefnogaeth i Sheila ar y ff\u00f4n i ddechrau oherwydd ei fod yn ystod Covid. Roedd iechyd Sheila yn golygu ei bod yn fregus iawn, yn neilltuol gan ei bod yn derbyn triniaeth cemotherapi. Fodd bynnag gofynnodd Sheila a\u2019i mam am ymweliad wyneb i wyneb. Dywedodd Kathryn, \u201cRoeddwn yn bryderus am ymweld \u00e2 hi yn ystod Covid. Ond rydyn ni\u2019n mynd gyda\u2019r hyn mae\u2019r cleient ei eisiau ac fe wnes yn si\u0175r fod gen i PPE ac yn cadw pellter cymdeithasol. Mae\u2019n rhaid i mi fod wedi bod yno am tua 3 awr yn ystod fy ymweliad cyntaf gan fod ganddon ni gymaint i\u2019w drafod.\u201d<\/p>\n

Gwelodd Kathryn ar ei hymweliad cyntaf nad oedd gan Sheila unrhyw system wresogi, dim ond hen d\u00e2n nwy yn ei hystafell fyw. Mae gwresogi da yn hanfodol i cael gwared \u00e2 lleithder o\u2019r t\u0177, felly gwnaeth Kathryn atgyfeiriad i Nyth i osod gwres canolog nwy yn y t\u0177.<\/p>\n

Roedd angen atgyweirio\u2019r gwteri i atal mwy o dd\u0175r rhag dod mewn ac achosi mwy o ddifrod. Ar gyfer hyn, fe wnaeth Kathryn ymestyn i gyngor Sir y Fflint am Grant Atgyweirio eiddo.<\/p>\n

Roedd y drysau wedi pydru gormod i\u2019w hatgyweirio ac ar \u00f4l cael cyngor a dyfynbrisiau, gwnaeth Kathryn geisiadau am gyllid i dalu\u2019r costau. Dywedodd Kathryn, \u201cOherwydd ei hoedran, gan ei bod dan 60, roedd yn arbennig o anodd i gael cyllid oherwydd na fedrem wneud cais am lawer o gyllid.\u201d<\/p>\n

Eto, nid dim ond cadw\u2019r t\u0177 yn dwym oedd pryder Kathryn. Oherwydd anallu Sheila i symud yn rhwydd, roedd yn ei chael yn anodd camu i\u2019r gawod. Aeth Kathryn ati i ganfod mwy o gyllid ar gyfer ystafell wlyb newydd.<\/p>\n

Fedrai Sheila ddim credu\u2019r gwahaniaeth a wnaeth y gwaith. Dywedodd, \u201cMae peidio byw mewn cartref llaith lle mae llwydni, gyda drysau sy\u2019n fy ngadw\u2019n dwym ac yn gostwng biliau gwresogi, a thawelwch meddwl gwybod na fydd fy nghartref yn gwaethygu, maent yn amhrisiadwy.\u201d<\/p>\n

Mae gwaith Kathryn yn golygu y gallodd Sheila gael:<\/p>\n